Нийслэлийн Засаг дарга бөгөөд Улаанбаатар хотын Захирагчийн 2016-2020 оны үйл ажиллагааны “Аз жаргалтай хот” хөтөлбөрийн хүрээнд “Монгол наадам цогцолбор” ОНӨТҮГ-аас жил бүр уламжлал болгон зохион байгуулдаг “Эрүүл иргэн-Эко хөгжил” спорт өдөрлөг, олон нийтийн арга хэмжээ 2017 оны 09 дүгээр сарын 23-ны амралтын өдөр “Хүй долоон худаг”-т зохион байгуулагдахаар төлөвлөгдөөд байна. Өдөрлөгийн үеэр Бартаат замын дугуйн уралдаан, дугуйн марафон тэмцээн, хүүхдийн дугуйн тэмцээн, 3×3 гудамжны сагсан бөмбөгийн тэмцээн, Мэргэжлийн экстрим спортын шоу үзүүлбэрүүд, хөнгөн атлетикийн олон төрөлт тэмцээнүүд тус тус зохион байгуулагдана. Өдөрлөгийг хамтран зохион байгуулагчаар Нийслэлийн Засаг даргын тамгын газар, Нийслэлийн Захирагчын ажлын алба, Монголын оюутны холбоо, Монголын дугуйн холбоо, Мэргэжлийн экстрим холбоо, Монголын хөнгөн атлетикийн холбоо, 3×3 сагсан бөмбөгийн холбоо зэрэг төрийн болон төрийн бус байгууллагууд зохион байгуулахаар болоод байна.
